கைக்கடிகாரம் திருட்டு, வீடியோவில் சிக்கிய இளைஞருக்கு போலீஸ் வலைவீச்சு

திருமண மஹாலில் கைக்கடிகாரத்தை இளைஞர் திருடி செல்லும் சிசிடிவி காட்சிகள் வெளியாகி உள்ளது.

ராமநாதபுரம் மாவட்டம் பரமக்குடி அருகே கீழப்பெருங்கரை கிராமத்தைச் சேர்ந்தவர் கார்த்திக். இவர் தனது மகன்களுக்கு மே 5 ஆம் தேதி பரமக்குடியில் உள்ள ஒரு மஹாலில் காதணி விழா நடத்தியுள்ளார். அதற்கு முன்தினம் இரவு கை கடிகாரத்தை கழட்டி ஒரு மேஜையில் வைத்து விட்டு வேலையில் ஈடுபட்டிருந்துள்ளார். அப்போது அங்கு வந்த இளைஞர்களில் ஒருவர் கைகடிகாரத்தை எடுத்து சென்றுள்ளார். இவை அங்கிருந்த சிசிடிவி கேமராவில் பதிவாகியுள்ளது.

இதனையடுத்து கார்த்திக் பரமக்குடி நகர் காவல் நிலையத்தில் புகார் அளித்துள்ளார். சிசிடிவி காட்சிகளின் அடிப்படையில் கைக்கடிகாரத்தை திருடி சென்ற இளைஞர் குறித்து பரமக்குடி டவுன் போலீசார் விசாரணை செய்து வருகின்றனர்.